კონფიდენციალურობის პოლიტიკა

1.რა მონაცემებს ვაგროვებთ

ვაგროვებთ მხოლოდ იმას, რაც სერვისის მუშაობისთვისაა საჭირო:

• ანგარიშის მონაცემები: ელფოსტა, პაროლის კრიპტოგრაფიული ჰეში (თავად პაროლს არ ვინახავთ), სახელი და პროფილის სურათი, თუ მიუთითებთ ან Google-ით შემოხვალთ.
• ჯანმრთელობასთან დაკავშირებული მონაცემები: სქესი, დაბადების თარიღი, სიმაღლე, წონა და მისი ისტორია, ფიზიკური აქტივობის დონე და თქვენი მიზნები.
• კვების დღიური: რას და როდის მიირთვით, რაოდენობა, თქვენ მიერ შექმნილი პროდუქტები და რეცეპტები.
• კერძის ფოტოები: მხოლოდ მაშინ, როცა ფოტოთი შეფასებას იყენებთ. ფოტოს არ ვინახავთ (იხილეთ ქვემოთ ცალკე თავი).
• ტექნიკური მონაცემები: სესიის ფაილი (cookie), IP მისამართი და სერვერის ჟურნალები უსაფრთხოებისა და გამართული მუშაობისთვის.

2.ჯანმრთელობის მონაცემები: განსაკუთრებული კატეგორია

წონა, სიმაღლე, ასაკი და კვების ჩანაწერები საქართველოს კანონმდებლობით მიეკუთვნება განსაკუთრებული კატეგორიის მონაცემებს. ასეთ მონაცემებს ვამუშავებთ მხოლოდ თქვენი მკაფიო თანხმობით, რომელსაც ანგარიშის შექმნისას იძლევით.

თანხმობის გატანა ნებისმიერ დროს შეგიძლიათ, თუმცა ეს ნიშნავს ანგარიშის დახურვას, რადგან ამ მონაცემების გარეშე სერვისი ვერ იმუშავებს. თანხმობის გატანა არ ეხება მანამდე კანონიერად განხორციელებულ დამუშავებას.

3.ფოტოთი შეფასება და ხელოვნური ინტელექტი

როდესაც კერძის ფოტოს ატვირთავთ, ის იგზავნება ხელოვნური ინტელექტის მომწოდებელთან, Google-თან (Gemini) და/ან OpenAI-სთან (GPT), რათა დადგინდეს, რა არის თეფშზე და დაახლოებით რამდენი. ფოტო იგზავნება მხოლოდ ამ მიზნით და მხოლოდ მაშინ, როცა თქვენ თავად დააჭერთ შეფასების ღილაკს.

როცა პირველი მოდელი დარწმუნებული არ არის, იმავე ფოტოს მეორე მომწოდებელსაც ვუგზავნით გადასამოწმებლად. ორივე მომწოდებელს ეგზავნება მხოლოდ ფოტო და თქვენ მიერ დაწერილი შენიშვნა. სხვა არაფერი თქვენს შესახებ: არც სახელი, არც ელფოსტა, არც დღიური.

ფოტოს არ ვინახავთ. ის მუშავდება მოთხოვნის ფარგლებში და არ იწერება არც ჩვენს სერვერზე, არც მონაცემთა ბაზაში. ვინახავთ მხოლოდ ფოტოს კრიპტოგრაფიულ ჰეშს, საიდანაც თავად სურათის აღდგენა შეუძლებელია.

თუ შეფასებას შეასწორებთ, ვინახავთ თავად შესწორებას (რა თქვა სისტემამ და რა თქვით თქვენ), რათა შემდგომში სიზუსტე გავაუმჯობესოთ. ეს ჩანაწერი ფოტოს არ შეიცავს.

ამ მომწოდებლების მხრიდან დამუშავებას მათივე პოლიტიკა არეგულირებს. თუ არ გსურთ ფოტოს გაგზავნა, უბრალოდ ნუ გამოიყენებთ ფოტოთი შეფასებას. დანარჩენი აპლიკაცია სრულად მუშაობს მის გარეშე.

4.რატომ ვამუშავებთ მონაცემებს

• ხელშეკრულების შესრულება: ანგარიშის წარმოება, დღიურის შენახვა და თქვენი დღიური ნორმის გამოთვლა.
• თქვენი თანხმობა: ჯანმრთელობასთან დაკავშირებული მონაცემების დამუშავება.
• ლეგიტიმური ინტერესი: სერვისის უსაფრთხოება, ბოროტად გამოყენებისა და თაღლითობის აღკვეთა.

5.სად ინახება მონაცემები

მონაცემები ინახება ჩვენს კონტროლს დაქვემდებარებულ სერვერზე, რომელიც ფიზიკურად საქართველოს ფარგლებს გარეთ, ევროკავშირშია განთავსებული. შესაბამისად, ხდება მონაცემთა ტრანსსასაზღვრო გადაცემა.

ევროკავშირი უზრუნველყოფს მონაცემთა დაცვის სათანადო გარანტიებს. მონაცემთა ბაზა არ არის საჯაროდ ხელმისაწვდომი და კავშირი დაშიფრულია.

6.ვის ვუზიარებთ

თქვენს მონაცემებს არ ვყიდით და სარეკლამო მიზნებით არავის გადავცემთ. მონაცემები ხელმისაწვდომია მხოლოდ:

• ჰოსტინგის მომწოდებლისთვის, რომელიც სერვერს გვიმასპინძლებს (როგორც ტექნიკური დამმუშავებელი).
• Google-ისთვის, მხოლოდ იმ შემთხვევაში, თუ Google-ით შესვლას აირჩევთ. მაშინ Google გვიზიარებს თქვენს ელფოსტას, სახელს და პროფილის სურათს. იგივე ეხება Apple-ს, თუ Apple-ით შესვლას აირჩევთ.
• Resend-ისთვის (ელფოსტის მიწოდების სერვისი), მხოლოდ მაშინ, როცა ელფოსტის დადასტურების ან პაროლის აღდგენის წერილს გიგზავნით. მას ეგზავნება თქვენი ელფოსტის მისამართი და წერილის ტექსტი.
• Google-ისთვის (Gemini) და OpenAI-სთვის (GPT), მხოლოდ მაშინ, როცა ფოტოთი ან ტექსტით შეფასებას იყენებთ. მათ ეგზავნებათ მხოლოდ ფოტო ან კერძის აღწერა და თქვენი შენიშვნა.
• ბრაუზერის შეტყობინებების სერვისისთვის (Google, Apple ან Mozilla, იმის მიხედვით, რომელ ბრაუზერს იყენებთ), მხოლოდ მაშინ, თუ საღამოს შეხსენებებს ჩართავთ. ჩვენ ვინახავთ მოწყობილობის შეტყობინებების მისამართს, შეხსენების ტექსტი კი სერვისის გავლით დაშიფრული მიდის. შეხსენებების გამორთვისას მისამართი იშლება.
• სახელმწიფო ორგანოებისთვის, თუ ამას კანონი პირდაპირ მოითხოვს.

7.შენახვის ვადა და წაშლა

მონაცემებს ვინახავთ მანამ, სანამ თქვენი ანგარიში აქტიურია. ანგარიშის წაშლისას თქვენი პროფილი, დღიური, წონის ისტორია და რეცეპტები სამუდამოდ იშლება 30 დღის განმავლობაში.

თქვენ მიერ საჯარო ბაზაში დამატებული პროდუქტები შესაძლოა დარჩეს ანონიმური სახით, ავტორთან კავშირის გარეშე, რადგან მათ სხვა მომხმარებლები იყენებენ.

8.თქვენი უფლებები

„პერსონალურ მონაცემთა დაცვის შესახებ“ საქართველოს კანონის თანახმად, თქვენ გაქვთ უფლება:

• მიიღოთ ინფორმაცია იმის შესახებ, თუ რა მონაცემებს ვამუშავებთ, და უსასყიდლოდ მიიღოთ მათი ასლი.
• მოითხოვოთ არასწორი ან არასრული მონაცემების გასწორება ან განახლება.
• მოითხოვოთ მონაცემების წაშლა ან დამუშავების შეწყვეტა.
• მოითხოვოთ დამუშავების შეზღუდვა (ბლოკირება).
• ნებისმიერ დროს გაიტანოთ თანხმობა.
• მიიღოთ თქვენი მონაცემები მანქანურად წაკითხვად ფორმატში.

9.საჩივარი

თუ მიგაჩნიათ, რომ თქვენი უფლებები დაირღვა, პირველ რიგში მოგვწერეთ: privacy@chamiko.ge. პასუხს გაცემთ არაუგვიანეს 10 სამუშაო დღისა.

ასევე უფლება გაქვთ მიმართოთ ზედამხედველ ორგანოს, საქართველოს სახელმწიფო აუდიტის სამსახურს, რომელსაც 2026 წლის 2 მარტიდან გადაეცა პერსონალურ მონაცემთა დაცვის ზედამხედველობის ფუნქცია (მანამდე ამ საკითხებს პერსონალურ მონაცემთა დაცვის სამსახური განიხილავდა).

10.უსაფრთხოება

• პაროლები ინახება ჰეშირებული სახით (bcrypt), ამიტომ ჩვენც კი ვერ ვხედავთ თქვენს პაროლს.
• კავშირი დაშიფრულია HTTPS-ით.
• მონაცემთა ბაზა ხელმისაწვდომია მხოლოდ სერვერიდან და არ არის ინტერნეტში გატანილი.
• ინციდენტის შემთხვევაში, კანონის შესაბამისად, ვატყობინებთ ზედამხედველ ორგანოს 72 საათის განმავლობაში.

11.ქუქი-ფაილები

ვიყენებთ მხოლოდ იმ ქუქი-ფაილებს, რომლებიც სერვისის მუშაობისთვისაა აუცილებელი: სესიის ფაილს, რომელიც სისტემაში შესვლის მდგომარეობას ინახავს, CSRF-დაცვის ფაილს, არჩეულ ენას (NEXT_LOCALE), Chamiko+ გეგმის ფერის თემას (chamiko_accent, ინახება ერთ წელი), ნათელ ან მუქ რეჟიმს, თუ ის თავად აირჩიეთ (chamiko_theme, ინახება ერთ წელი) და ქუქი-ფაილების შესახებ თქვენს არჩევანს (chamiko_consent, ინახება ექვსი თვე). სარეკლამო ან თვალთვალის ქუქი-ფაილებს არ ვიყენებთ.

პირველი ვიზიტისას გამოჩნდება ქუქი-ფაილების შესახებ შეტყობინება. არჩევითი კატეგორიები, მათ შორის ანალიტიკა, ნაგულისხმევად გამორთულია და სანამ თანხმობას არ განაცხადებთ, არაფერი ჩაიტვირთება. არჩევანის შეცვლა ნებისმიერ დროს შეგიძლიათ გვერდის ბოლოში, ბმულით „ქუქი-პარამეტრები“.

თუ ანალიტიკას ჩართავთ: ჩვენივე სერვერზე დაითვლება თარიღი, გვერდის მისამართი, ენა, მომმართველი დომენი და ტელეფონი თუ კომპიუტერი. ინახება მხოლოდ ჯამური რიცხვები, ცალკეული ვიზიტების ჩანაწერების, IP-მისამართისა და იდენტიფიკატორის გარეშე, ამიტომ ამ მონაცემების კონკრეტულ ადამიანთან დაკავშირება ჩვენც ვერ შეგვიძლია. გარე ანალიტიკის სერვისს არ ვიყენებთ და ამისთვის დამატებითი ქუქი-ფაილი არ იქმნება.

12.ასაკობრივი შეზღუდვა

სერვისი განკუთვნილია 16 წელს ზემოთ პირებისთვის. თუ აღმოვაჩენთ, რომ ანგარიში 16 წლამდე პირს ეკუთვნის მშობლის ან კანონიერი წარმომადგენლის თანხმობის გარეშე, ანგარიშს წავშლით.

13.ეს არ არის სამედიცინო რჩევა

ჭამიკო არის აღრიცხვის ინსტრუმენტი და არა სამედიცინო სერვისი. კალორიების და ნუტრიენტების მნიშვნელობები, განსაკუთრებით მომზადებული კერძებისა, სავარაუდოა და გამოთვლილია სტანდარტული რეცეპტების მიხედვით. დიეტის ან ვარჯიშის რეჟიმის შეცვლამდე გაიარეთ კონსულტაცია ექიმთან.

14.პოლიტიკის ცვლილება

პოლიტიკის არსებითი ცვლილების შემთხვევაში შეგატყობინებთ ელფოსტით ან სერვისში შესვლისას, ცვლილების ძალაში შესვლამდე.